Online Digital Content

Online Digital Content

recent posts

about

YT Channel: https://youtube.com/@batslife3386?si=5FUrys_32UrnV2s-

  • Squirrels

    Nakakita ka na ba ng squirrel?

    Tuwing may pagkakataon ay naglalakad ako dito sa neighborhood sa Canada. Ginagawa ko ang paglalakad para na rin mag-exercise at mabawasan ang stress. Dito sa neighborhood sa Toronto, Ontario ay maganda ang maglakad. Mayroon mga walkways na pwede kang maglakad at ikutin ang buong neighborhood.

    Habang naglalakad ako ay may mga nakikita akong mga hayop. Nakakita nga ako ng wild rabbit sa isang Park malapit lang sa tinitirahan ko. Pero ang madalas kong makita tuwing naglalakad ako ay ang mga squirrels.

    Ang mga squirrels ay nakikita ko na naghahanap ng pagkain, naglalaro, naghahabulan, umaakyat sa bakod at kung ano-ano pa ang mga ginagawa.

    Natutuwa talaga akong tingnan ang mga squirrels. Karaniwan, ang kulay ng mga hayop na ito ay itim. Pero meron din akong nakikita na mga kulay brown.

    Ang pagkakaroon ng mga ganitong hayop ay indikasyon ng magandang pangangalaga sa ating kapaligiran. Sana ganito rin sa Pilipinas.

  • Ang Niagara Falls

    Maraming magagandang lugar dito sa Ontario, Canada katulad ng Toronto Centre Island kung saan ka sasakay ng water taxi pag-punta at pabalik dito.

    Pero ang isa pinakasikat at napagandang puntahan dito sa Canada ay ang Niagara Falls. Ang falls na ito ang boundary sa pagitan ng USA at Canada. Mula dito sa Niagara Falls ay matatanaw mo na ang bahagi ng New York ng Amerika.

    Maganda talaga ang Niagara Falls lalo na sa may Canadian side o iyong tinatawag na Horseshoe Falls. Dito sa bahaging ito ay malakas ang pagdausdos ng tubig kaya maraming nga turista ang narito upang lalong mapagmasdan ang falls.

    Pinagmasdan ko dito ang isang bangka na puno ng mga turistang para bang nakikipaglaban sa agos ng Niagara Falls. Sa susunod kong pagpunta rito ay susubukan ko ring sumakay ng bangka para makalapit sa malakas na agos ng Niagara Falls.

    Noong nagpunta kami rito ay nag stay kami sa Marriott Fallsview Hotel. Ang hotel na ito ay mayroong napakagandang view ng Niagara Falls. Tiyak na ang inspiring ng gising mo kapag ang iyong unang makikita ay ang Niagara Falls.

    Sa pagsapit ng gabi ay nagiging kakulay ng Niagara Falls ang rainbow. Kamangha-mangha ang falls na ito habang nag-iiba ang kanyang kulay. At dahil gabi na ay dumoble pa ang lamig. Kaya dapat kapag bumisita ka sa lugar na ito ay may suot kang makapal na jacket.

    Habang narito nga ako ay naalala kong bigla ang magaganda ring mga falls sa atin sa Pilipinas. Kahit narito na ako sa Canada ay lagi ko pa rin naalala ang ating bayan. Sana mapanatili ang ganda ng Niagara Falls at iba pang falls sa buong mundo para makita pa ng mga susunod na henerasyon.

  • Pagtawid ng Kalsada sa Canada

    Dito sa Canada, particularly dito sa area ng Scarborough, Toronto ay napansin ko na maluwag ang mga kalsada. Halos walang trapik. Dito ay nararapat ay tumawid ka sa nakatakdang tawiran kasi mabibilis ang mga sasakyan.

    Halos lahat naman ay sumusunod sa batas trapiko dito sa Canada. Pero may may ilan din akong napansin na hindi tumatawid sa tamang tawiran. Pero, ilan lamang ito. Mabibilang mo lang sa daliri ang hindi tumatawid sa tamang tawiran.

    Kapag ikaw ay disabled ay mayroon kang maaaring pindutin sa may tawiran upang makatawid ka sa kabilang kalsada.

    Ang masasabi ko ay maayos ang patakaran ng batas trapiko dito sa Canada. Kailangan ay lagi kang tumitingin sa mga traffic signal. Dapat ay lagi kang sumusunod sa mga patakaran dito. Gaya sa Pilipinas, dapat ay iwasan mo ang maging pasaway.

    Ang mga batas trapiko ay para sa iyong kaligtasan. Kaya dapat tayong lahat ay sumunod dito kahit nasaan man tayo sa mundo.